1500 താൽക്കാലിക ജീവനക്കാരെ പിരിച്ചുവിട്ടതായി. മഹീന്ദ്ര
രാജ്യത്തെ ഓട്ടോമൊബൈല് മേഖലയില് നിന്ന് വരും നാളുകളില് അനേകം പേര്ക്ക് തൊഴില് നഷ്ടം ഉണ്ടാകുമെന്നതിന്റെ സൂചനകളാണ് മഹീന്ദ്രയുടെ എംഡി പവന് ഗൊണേക നല്കുന്നത്. കഴിഞ്ഞ ഏപ്രില് ഒന്ന് മുതല് ഇതുവരെ ഞങ്ങള് ഏതാണ്ട് 1,500 ഓളം താല്ക്കാലിക ജീവനക്കാരെ പിരിച്ചുവിട്ടു. ഞങ്ങള് കൂടുതല് പേരെ പറഞ്ഞുവിടാതിരിക്കാന് നോക്കുകയാണ്. എന്നാല്, മേഖലയിലെ പ്രതിസന്ധി തുടര്ന്നാല് ഞങ്ങള്ക്ക് പിരിച്ചുവിടല് തുടരേണ്ടി വരും' മഹീന്ദ്ര ആന്ഡ് മഹീന്ദ്ര എംഡി പവന് ഗൊണേക പ്രമുഖ ദേശീയ മാധ്യമത്തിന് നല്കിയ അഭിമുഖത്തില് പറഞ്ഞു.ജൂലൈ മാസത്തില് ഇന്ത്യന് ഓട്ടോമൊബൈല് വ്യവസായത്തില് കഴിഞ്ഞ 19 വര്ഷത്തിനിടയിലെ ഏറ്റവും വലിയ ഇടിവാണ് രേഖപ്പെടുത്തിയത്. 18.71 ശതമാനം ഇടിവാണ് വ്യവസായം രേഖപ്പെടുത്തിയത്. കഴിഞ്ഞ മൂന്ന് മാസത്തിനിടെ ഏതാണ്ട് 15,000 ത്തോളം ജീവനക്കാര്ക്ക് മേഖലയില് തൊഴില് നഷ്ടം ഉണ്ടായതായാണ് കണക്കാക്കുന്നത്. അടുത്ത ആറ് മുതല് ഏട്ട് മാസത്തേക്ക് ഇന്ത്യന് സര്ക്കാരില് നിന്ന് സഹായം ലഭിക്കാതെ വ്യവസായത്തിന് ഈ പ്രതിസന്ധിയില് നിന്ന് രക്ഷപെടാനാകില്ലെന്ന് ഗൊണേക അഭിപ്രായപ്പെട്ടു.
മുന്പ് വ്യവസായത്തില് ഇടിവ് ഉണ്ടായപ്പോള് സര്ക്കാരിന്റെ ഭാഗത്ത് നിന്ന് ധനപരമായ പുനരുജ്ജീവന പ്രവര്ത്തനങ്ങളുണ്ടായിരുന്നതായും അദ്ദേഹം പറഞ്ഞു.
Comments
Post a Comment